ჯადოსნური პრაღა

ქვეყანა

ჩეხეთის რესპუბლიკა

ფართობი, კმ²

496

მოსახლეობა

1 335 084

ენა

ჩეხური

ვალუტა

ჩეხური კრონა

ინტერნეტი

.cz

ტელეფონი

+420-2

ქვეყნის ჩრდილო-დასავლეთით მდინარე ვლტავაზე განლაგებული პრაღა ჩეხეთის რესპუბლიკის დედაქალაქი და იმავდროულად უმსხვილესი ქალაქიცაა. ეს ხიდების, ტაძრების და ოქროს ქონგურებიანი კოშკების ჯადოსნური ქალაქი ასევე ევროკავშირის სიდიდით მე-14 ქალაქია. ქალაქის მოსახლეობა 1,3 მილიონი ადამიანია, ხოლო მის ვრცელ ურბანულ ზონაში 2 მილიონამდე მოსახლეა. შუა საუკუნეებიდან მოყოლებული პრაღა მსოფლიოს ერთ-ერთი ყველაზე ლამაზი ქალაქის და ასევე ცენტრალური ევროპის პოლიტიკური, კულტურული და ეკონომიკური ცენტრის რეპუტაციით სარგებლობს.

ქალაქი რომანულ ეპოქაში დაარსდა და ვითარდებოდა გოთიკის და რენესანსის პერიოდებში ვითარდებოდა, ის ასევე წმინდა რომის იმპერიის ორი იმპერატორის რეზიდენციაც იყო და, შესაბამისად, წმინდა რომის იმპერიის დედაქალაქი. მოგვიანებით პრაღა გახდა ჰაბსბურგების მონარქიისა და მისი ავსტრო-უნგრული იმპერიის მნიშვნელოვანი ქალაქი, ხოლო I მსოფლიო ომის შემდეგ იგი ჩეხოსლოვაკიის დედაქალაქი გახდა. ჩეხოსლოვაკიის დაშლის შემდეგ, 1993 წლიდან იგი ახალი ჩეხეთის დედაქალაქია.

ქალაქის დედამდინარეა ვლტავა, რომელიც მის საზღვრებში 31 კმ-ის მანძილზე მიედინება, მისი სიგანე 330 მეტრს აღწევს. მდინარეში მრავლადაა კუნძულები, ისეთი როგორიცაა მომხიბვლელი კუნძული კამპა, სლავური კუნძული ეროვნული თეატრის მახლობლად, იგივე ბავშვების კუნძული. გარდა იმისა, რომ ეს კუნძულები ქალაქის ხმაურისგან გაქცევისთვის კარგი ადგილებია, აქ ხშირად ტარდება კულტურული ღონისძიებები.