ვენა მუსიკის და ხელოვნების ქალაქი

ქვეყანა

ავსტრია

ფართობი, კმ²

414.78

მოსახლეობა

1 911 191

ენა

გერმანული

ვალუტა

ევრო

ინტერნეტი

.at

ტელეფონი

+43-1

ვენის ისტორია პირველი პოსტქრისტიანული საუკუნიდან იწყება, როდესაც რომაელებმა დააარსეს სამხედრო ბანაკი ვინდობონა. ქალაქის დღევანდელი პეიზაჟი ძირითადად იმპერატორ მარია ტერეზიას (1740-1780) და ფრანც იოსების (1848-1916) დროს აგებული ბაროკოს სტილის შენობების სიუხვით ხასიათდება, რომლებიც უმთავრესად ქალაქის ცენტრის მონუმენტურ არქიტექტურას ასახავენ. სახელი ვენა საუკუნების განმავლობაში იყო მუსიკის სინონიმი და მოცარტის, ბეთჰოვენის, შუბერტის და იოჰან შტრაუსის მშობლიური ქალაქი. ეს მემკვიდრეობა დღემდე გრძელდება - ვენის ფილარმონიის ორკესტრი ერთ-ერთი საუკეთესოა მსოფლიოში, ვენის კონსერვატორიამ მუსიკის ყველა მიმართულებით მრავალი საერთაშორისო პრემიის ლაურეატი აღზარდა.

ვენაში საუკუნების განმავლობაში იზრდებოდნენ და ყალიბდებოდნენ მსოფლიოში ცნობილი მხატვრები. ხელოვნების მოყვარულ მმართველთა და მონარქთა კოლექციონერულმა მისწრაფებებმა ვენა ნამდვილ საგანძურად აქცია. აქ მდებარეობს სახვითი ხელოვნების მუზეუმი - მსოფლიოს ერთ-ერთი უდიდესი და ცნობილი მუზეუმი, რომელშიც ხელოვნების შეუფასებელი ნაწარმოებებია დაცული. სადაც არ უნდა წახვიდეთ, ხელოვნება მუდამ თან გდევთ ვენაში - ტურისტულ ობიექტებს შორისაა ქალაქის მეტროს ზოგიერთი სადგურიც კი, მათი ელეგანტური და მოდერნისტული ორნამენტული სტილის გამო. ვენა ასევე საინტერესოა ლიტერატურულად - ეს არის "ლიტერატურული კაფეების" ქალაქი.